Xocalı faciəsinin ildönümü ilə əlaqədar Ailə, Qadın və Uşaq Problemləri üzrə Dövlət Komitəsi nəzdində fəaliyyət göstərən Uşaq və Ailələrə Dəstək Mərkəzi anım günü tədbirləri təşkil etmişlər.  

         Sabirabad UADM 21-23 fevral tarixlərində Tarix Diyarşünaslıq Muzeyi ilə birgə “Xocalı harayı” adlı rəsm sərgi təşkil etmişdir. Hacıqabul UADM fevralın 22-də Mərkəzdə uşaqların iştirakı ilə, Zaqatala UADM fevralın 26-da qaçqın və məcburi köçkün qəsəbəsində, Zərdab UADM fevralın 26-da Heydər Əliyev Mərkəzində digər qurumlarla birlikdə icma üzvlərinin iştirakı ilə anım günü tədbirləri təşkil etmişlər.

Keçirilən tədbirlərdə şəhidlərin ruhu 1 dəqiqəlik sükutla yad edilmiş, həmin gecə günahsız, mülki əhaliyə qarşı törədilmiş cinayətlərdən danışılmışdır. Tədbirdə həmçinin uşaqların təqdimatında Xocalıya həsr olunmuş səhnəcik nümayiş olunmuş, şeirlər söylənmiş və mövzuya uyğun qısametrajlı film nümayiş olunmuşdur.