23 noyabr tarixində növbəti “açıq qapı” günü keçiriləcək
Ailə, Qadın və Uşaq Problemləri üzrə Dövlət Komitəsi tərəfindən mütəmadi olaraq “açıq qapı” günləri keçirilir.
“Açıq qapı” günlərinin keçirilməsində əsas məqsəd psixoloq, hüquqşünas və sosial işçilərin iştirakı ilə problemlərin həll olunmasında vətəndaşlara peşəkar dəstəyin göstərilməsi, ailələrin maarifləndirilməsidir.
Növbəti “açıq qapı” günü Ailə, Qadın və Uşaq Problemləri üzrə Dövlət Komitəsinin nəzdindəki Uşaq və Ailələrə Dəstək Mərkəzlərinin, eləcə də Qadın və İcma Resurs Mərkəzlərinin fəaliyyət göstərdiyi rayonlarda, 23 noyabr 2022-ci il tarixində, saat 10.00-17.00-da keçiriləcəkdir.