Qonaqlar Azərbaycanda reallaşdırılan dövlət qadın siyasətini, habelə ailə və uşaq problemlərinin həlli sahəsində toplanmış təcrübəni yüksək qiymətləndirmişlər.

     Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən hər il 15 may Beynəlxalq Ailə Günü (BMT-nin Baş Assambleyasının 20 sentyabr 1993-cü il qətnaməsinə  əsasən) münasibəti ilə may ayının 5-dən 15-dək silsilə tədbirlər  və  15 may tarixində geniş yekun tədbir keçirilir. Bu il isə yekun tədbir İsmayıllı rayon İcra Hakimiyyəti ilə birgə İsmayıllı rayonunda yerləşən Heydər Əliyev adına parkda keçirilmişdir. 

   Ailə, Qadın və Uşaq Problemləri üzrə Dövlət Komitəsi tərəfindən həyata keçirilən tədbirlər planına əsasən, bu il də “Beynəlxalq Ailə Günü” (BMT-nin Baş Assambleyasının 20 sentyabr 1993-cü il qətnaməsinə müvafiq olaraq) münasibəti ilə may ayının 5-dən 15-dək silsilə tədbirlərin keçirilməsi nəzərdə tutulmuşdur. 

    Azərbaycan Respublikasının Ailə, Qadın və Uşaq Problemləri üzrə Dövlət Komitəsi, Heydər Əliyev Fondu və BMT-nin Əhali Fondu ilə birgə “XXI əsrdə Qadınlara Qarşı zorakılıq əleyhinə” layihəsi çərçivəsində 2009-cu ildən etibarən, “Azərbaycan ailəsi” filmlər festivalı böyük uğurla  həyata keçirilir.  Yaranmış ənənəyə uyğun olaraq, bu il də 9 mart 2012-ci il tarixində start verilmiş “Azərbaycan ailəsi” filmlər festivalının  bağlanış mərasimi 11 may 2012-ci il tarixində “JW MARRIOTT ABSHERON” otelində  təntənəli  şəkildə keçirilmişdir. 

8 may 2012-ci il tarixdə Ailə, Qadın və Uşaq Problemləri üzrə Dövlət Komitəsi Şuşanın işğalının 20 ilinə həsr edilmiş tədbir keçirmişdir.1992-ci il mayın 8-nə keçən gecə erməni birləşmələri tərəfindən Şuşa şəhərinin işğalı ilə bağlı əməliyyat başlanmışdır. Şəhərin kütləvi şəkildə artilleriya zərbələrinə tutulması səhər saat 6-ya kimi davam etmiş, bundan sonra düşmənin minə yaxın əsgəri üç tərəfdən Şuşaya hücum etmişdir. Hücum Rusiyanın öncədən ermənilərə verdiyi 366-cı alayın 40 zirehli texnikasının dəstəyi ilə həyata keçirilmişdir. 10 saatdan artıq davam edən döyüşlərdə 1860 azərbaycanlı yaralanmış, 480-i həlak olmuş, 22 min nəfər öz yurdundan didərgin düşdü. Əsir götürülmüş 68 soydaşımızın taleyi barədə bu günə qədər məlumat yoxdur.

“Beynəlxalq Ailə Günü” münasibəti ilə may ayının 5-dən 15-dək keçirilən silsilə tədbirlər çərçivəsində mayın 7-də sağlam həyat tərzinə adaptasiya məqsədilə Nizami rayon 3 saylı xüsusi İnternat Məktəbinin şagirdləri üçün Azərbaycan Dövlət Pantomima Teatrında “Pantomima buketi” adlı tamaşa nümayiş olunmuşdur.